Tíðindafundur um menningarkvotur í dag klokkan 14
Freistin at søkja var 28. februar, og ikki fyrr enn nú fáa umsøkjararnir svar.
“Tíðindafundur verður í Fiskimálaráðnum (niðasta hædd) í dag 1. juli kl. 14, har Høgni Hoydal, landsstýrismaður, fer at greiða frá um menningarkvoturnar 2019.”
Soleiðis ljóða stuttu boðini frá Fiskimálaráðnum, nú góðir fýra mánaðir eru farnir síðani freistin at søkja um menningarkvotur var úti.
Tað hevur vakt undran, at tað hevur tikið so langa tíð at avgreiða umsóknirnar.
Freistin at søkja var sett til hósdagin 28. februar 2019 kl. 15.00. Tann 1. mars boðaði Fiskimálaráðið frá, at nevndin sum skuldi viðgera umsóknirnar var mannað.
Ikki fyrr enn fríggjadagin 21. juni boðaði Fiskimálaráðið frá, at tey sum høvdu søkt skuldu fáa svar mánadagin 24. juni, men hóast hesa fráboðan, so gekk ein heil vika, til svarið kom - og tað verður í dag klokkan 14.
Søkjast kundi um 11.711 tons av svartkjafti, 3.159 tons av makreli og 4.695 tons av norðhavssild.
Mest lisið í farnu viku
Samband
Heygsvegur 8
490 Strendur