Vevmyndir úr lundaholum í Skúvoy
15 lundareiður eru gjørd úr plastikkrørum, og í hvørjum reiðri stendur eitt vevkamera
“Tað er sera lítið av lunda at síggja í lundalandinum í Skúvoy, og á sjónum útfyri, men lundin hevur vorpið sum vanligt, og pisur eru í flestu reiðrunum.” Tað sigur Havstovan á síni heimasíðu.
Aftur í ár er møguleiki at fylgja við á internetinum, hvussu lundarnir trívast í lundaholunum í Skúvoynni, og hvussu nógvur lundi er í lundalandinum.
Havstovan hevur fylgt við gongdini í nøkrum lundaholum í Skúvoynni síðani 2005. 15 lundareiður eru gjørd úr plastikkrørum, og í hvørjum reiðri stendur eitt vevkamera við sambandi til eina teldu, sum goymir upptøkurnar. Eitt kamera vísir eisini lundalandið við okkurt um 50 holum. Við stuðli frá Føroya Tele kunnu úrslitini síggjast beinleiðis á internetinum
(trýst her, fyri at síggja tað, og vel síðani myndagóðskuna HD)
Mest lisið í farnu viku
Samband
Heygsvegur 8
490 Strendur