Havstovan: Tað vóru tsunami-aldur, ið raktu Føroyar síðst í juni
Sunnumorgunin 30. juni 2019 vóru fólk ymsa staðni kring landið varug við, at óvanligar aldur vóru at síggja, t.d. í Vági, Tórshavn og Kollafirði. Hetta fyribrigdi sýntist sum flóð og fjøra, men við sera stuttum millumbili, tí bert fáir minuttir vóru millum flóð og fjøru. Í Havn, har tað vanliga er sera lítil munur á flóð og fjøru, flutti vatnstøðan seg meiri enn ein metur og fløddi upp um keiina í Vágsbotni. Frásagnir eru um, at tá tað fjaraði, stóð onkur bátur á botni. Nógv filmsbrot vóru at síggja í miðlunum, eitt nú á Facebook, og eitt dømi er at síggja her.
Hetta skriva Karin Margretha H. Larsen og Sólvá K. Eliasen á heimasíðuni hjá Havstovuni. Tær siga at tað, sum hendi, var, at sonevndar grunnar aldur við langari aldulongd raktu eystursíðuna av Føroyum. Slíkar aldur verða eisini nevndar flóðaldur ella tsunami-aldur og tær hava oftast uppruna í jarðskjálvta ella øðrum ristingum (seismic tsunami). Sambært rithøvindunum er ein møguleiki eisini, at flóðaldan var elvd av knappligum broytingum í veðrinum. Øll greinin á heimasíðuni hjá Havstovuni um flóðalduna kann lesast her.
Mest lisið í farnu viku
Samband
Heygsvegur 8
490 Strendur