Íløgur fyri nærum 12 milliardir norskar krónur vórðu gjørdar í norska fiskiflotan frá 2008 til 2019, og uppaftur fleiri íløgur verða gjørdar frá í ár.

Hetta sæst í nýggjari frágreiðing um kortlegging av íløgum, sum eru gjørdar í fiskiflotan, alivinnuna og fiskiídnaðin.

Grundin til stóru meiríløgurnar er størri lønsemi, menning móti størri eindum, størri og framkomnari skip og umhvørvispolitikkurin í Noregi. Haraftrat verður víst til veiku norsku krónina og lágu rentuna.

Framyvir verður kikarin settur meira á nógv størri fiskiskip og minni útlát frá fiskiskipum. Sambært frágreiðingini fara íløgurnar frá 2019 at verða gjørdar beinleiðis í stór fiskiskip og sum heild í nýskipan av fiskiskipaflotanum.

Kelda: Skipsrevyen / www.antares.fo