Dagurin í gjár royndist væl hjá føroyingunum á oyggjaleikunum á Gibraltar. Føroyar hava lagt seg á 2. plássið í samlaðu kappingini. 19 gull-, 5 silvur- og 20 bronsuheiðursmerki høvdu føroysku íðkararnir vunnið tilsamans, tá dagurin í gjár var liðugur.

Í gjár vunnu føroyingar 5 gullheiðursmerki. 4 vórðu vunnin í svimjihylinum og eitt var fyri skjóting. Men harumframt vunnu Føroyar eisini 2 bronsuheiðursmerki í svimjing, umframt 2 onnur bronsuheiðursmerki í frælsum ítrótti og 2 í judo. 

Tveir dagar eru eftir á Oyggjaleikunum hesaferð.