Landssjúkrahúsið fekk bræv frá Michael
Michael, sum sjúklingurin eitur, er fegin um viðgerðina og hjálpina, hann fekk á Landssjúkrahúsinum, og tað gleðir okkum at hoyra.
Onki er sum eitt hondskrivað bræv
Ein dagin lendi hetta takkarbrævið í okkara postkassa. Sjúklingurin var og vitjaði í Føroyum við ferðamannaskipi, tá hann var óheppin at bróta sær beinið. Hann varð heintaður av Sjúkraflutningstænastuni og sendur á Skaðastovuna, sum síðani sendi hann í røntgen, og at enda varð hann lagdur undir skurð.
Michael, sum sjúklingurin eitur, er fegin um viðgerðina og hjálpina, hann fekk á Landssjúkrahúsinum, og tað gleðir okkum at hoyra. Ikki minst gleðast vit um, at okkara tilbúgving riggar so væl, eisini tá tað um ferðafólk ræður. Tað kann nevniliga vera ørkymlandi fyri ferðafólk at skilja okkara mannagongdir við at skula ringja 1870, áðrenn tey koma á Skaðastovuna.
Takk fyri heilsanina og góðan bata við beininum, Michael!
tað skrivar LS á facebook vanga sínum
Mest lisið í farnu viku
Samband
Heygsvegur 8
490 Strendur