Amerikanska Umboðsmannatingið hevur samtykt eina yvirlýsing, sum fordømir úttalilsini hjá Donald Trump, forseta, um fýra littar kvinnur í Kongressini. Tað skrivar NBC. Samtyktin sigur eisini, at viðmerkingarnar hjá forsetanum vóru rasistiskar. 

Tað var sunnudagin, at Trump, á Twitter, bað kongresslimirnar fara aftur til “tey fullkomuliga oyðiløgdu og kriminaliseraðu støðini, haðani tær komu.” 

Demokratarnir hava meirilutan í Umboðsmannatinginum, men eisini fýra limir úr Republikanska flokkinum atkvøddu fyri at fordøma úttalilsini hjá forsetanum, skrivar CNN.