Belbek, sum siglir undir kýpriskum flaggi, rendi seg fastan í Kollafirði mikudagin í seinastu viku, og nú hava skiparin og stýrimaðurin fingið treytaðar dómar fyri at hava alkohol í blóðinum, meðan teir vóru á vakt.

Yvirmenninir høvdu alkohol í blóðinum, tá óhappið hendi, og tí kom málið fyri rættin.

Av løgreglustøðini frættist, at teir báðir yvirmenninir eru dømir fyri at hava millum 0,2 og 1,2 promillu av alkoholi í blóðinum.Teir fingu treytaða frádøming av vinnubrævinum og eina bót uppá 8.000 krónur í part. Treytaða frádømingin av vinnubrævinum er galdandi í trý ár, tað merkir, at halda teir seg innan fyri lógarinnar rammur hesi árini, varðveita teir vinnubrøvini. Hetta skrivar Áhugafelagið Antares.