Fólkatalið farið upp um 1750 á Tvøroyri
Góða gongdin í fólkatalinum í Tvøroyrar Kommunu tykist halda fram og í dag eru 1751 borgarar í Tvøroyrar Kommunu, sambært seinastu tølunum hjá Landsfólkayvirlitinum. Fólkatalið er samstundis tað hægsta síðan juni 2013, tá 1756 íbúgvar vóru á Tvøroyri. Tað skrivar Tvøroyrar kommuna á sín facebook vanga.
Gongdin hevur eisini verið sera góð seinastu 12 mánaðirnir. Hin 17. Juli 2018, búðu 1710 fólk á Tvøroyri, ímóti 1751 í dag. Tað vil siga ein vøkstur á 41 borgarar, ella ein vøkstur á uml. 2,4 %.
Um hugt verður allari Suðuroynni, so sæst at fólkavøkstur hevur verið í allari oynni seinasta árið. Seinastu tølini fyri Suðuroynna síggja soleiðis út (fyrra talið er 17. Juli 2018 og seinna 17. Juli 2019):
Fámjin 79 / 82 = +3, svarandi til ein vøkstur á uml. 3,6%
Hov 102 / 104 = +2, svarandi til ein vøkstur á uml. 1,9%
Hvalba 666 / 674 = +8, svarandi til ein vøkstur á uml. 1,2%
Porkeri 323 / 318 = -5, svarandi til eina minking á uml. 1,5%
Sumba 363 / 367 = +4, svarandi til ein vøkstur á uml. 1,1%
Tvøroyri 1710 /1751 = +41, svarandi til ein vøkstur á uml. 2,4%
Vágur 1360 / 1355 = -5, svarandi til eina minking á uml. 0,4%
Fyri júst einum ári síðan, búðu 4.603 fólk í Suðuroynni og í dag búgva 4.651 her. Ein vøkstur á 48 fólk, ella uml 1%, skrivar Tvøroyrar kommuna.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur