Seks føroyskir íðkarar til OL fyri ung
Hetta er fyrstu ferð, at føroyingar taka lut undir føroyskum flaggi í eini OL kapping
Í døgunum 21.-27. juli verður europeiska OL fyri ung í Baku í Aserbadjan. Føroyingar luttaka fyri fyrstu ferð á hesum leikunum, og tað verður í ítróttagreinunum svimjing og judo.
“Talan er um stórt frambrot fyri føroyskan ítrótt, og gevur luttøkan føroyskum íðkarum enn ein møguleika, at kappast á altjóða leikvøllum,” sigur ÍSF í einum tíðindaskrivi.
Íðkararnir eru teir fyrstu føroysku íðkararnir, sum luttaka í eini OL-kapping undir føroyskum flaggi.
”Føroyska luttøkan í europeiska OL fyri ung er eitt av úrslitinum í strembanini hjá ÍSF eftir at fáa limaskap í altjóða olympisku nevndini – IOC”, sigur Jon Hestoy, varaforseti í ÍSF .
Føroyska luttakararnir eru:
Í judo:
- Bjarni Kyrri Ólavson, Havnar Judofelag
Í svimjing:
- Elisabeth Erlendsdóttir, Havnar Svimjifelag
- Kristina í Skála, Havnar Svimjifelag
- Rebekka Trygvadóttir, Ægir
- Ronja Ró í Dímun, Havnar Svimjifelag
- Bartal Erlingsson Eidesgaard, Havnar Svimjifelag
Ferðleiðari á túrinum verður Finnbjørg Nattestad. Venjarar eru Petur Sigurð Johannesen, Judo og Panagiotis Christou, Svimjing,
Tilsamans 3.600 ungdómar úr 50 londum fara at luttaka í OL fyri ung, í Baku.
Mest lisið í farnu viku
Samband
Heygsvegur 8
490 Strendur