Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Smærri flogvøllir

Innanlands, Lesarabrøv | 20/07-2019 21:00

Sum er hava vit ein flogvøll í Føroyum, sum verður nýttur til uttanlandsflúgving, og tøkk og lov havi fyri tað.

Í grannalandi okkara fyri sunnan, Hetlandi, har fólkatalið er ein helvt av okkara, eru nógvir fløgvøllir. Teir flestu eru smáir. Tann stytsti hevur eina breyt upp á 256 m. Hesir gera nógv gagn.

Sjálvur havi eg verið á flogvøllinum í Fugoynni, Foula, og har gekk væl at lenda. Útgerðin var ikki stór, ein vindposi og eitt walkie-talkie. Grastúgvur vóru á vøllinum, men hvørki flogskiparin ella ferðfólkini hildu tað vera nakað at tosa um. Hesin vøllur var góð trygd fyri oyggjabúgvunum tá brim var.

Her hava vit nú fingið okkum tyrlur at røkja okkara samskifti við fjarløgd støð innanlands, og er hetta ein algóð tænasta.

Men spurningurin er, um tað ikki hóast alt er vert at hugsa um at gera smærri flogvøllir úti um landið. Teir eru bíligir at gera, og kosta ikki nógv at halda viðlíka. 

Eitt sum vit kunnu siga, er at høvdu vit fleiri smærri flogvøllir, hevði tað ligið betri fyri hjá nógvum smærri flogførunum at flogið á okkara leiðum. Sum er kunnu flogfør undir vanligum umstøðum seta seg á flogvøllin í Vágum, og hjá rutuflogførum við góðari útgerð riggar tað næstan altíð. Men tá mjørkin legst um oyggjarnar er tað sjáldan, at tað ikki hóast alt er klárt onkrastaðni. Fyri smærri flogfør hevði tá verið tøkt, at tað vóru aðrir flogøllir í at velja, so tað bar til at koma til Føroyar um ikki annað.

Tað hevði eitt nú borið til at havt ein flogvøll í Suðuroy, ein á Viðareiði og hví ikki ein í Mykinesi. Stuttar vøllir við einum vindposa.

Eitt annað sum kundi komið burturúr hevði so verið at tað hevði borið til at fingið ein skúla fyri flogskiparar á flogvøllinum í Vágum. Tey sum skulu læra at stýra flogførum skulu jú læra at seta seg niður á nógvar ymsar flogvøllir, og tað høvdu vit fingið við smáum útreiðslum.

Serliga flogvøllurin í Suðuroy hevði gjørt nógv gagn. Hann kundi komið skjótt, og sum er liggur Suðuroyggin alt ov fjarskotin frá meginøkinum. Ein flogvøllur har kundi lætt munandi um til tunnilin kemur um eini tíggju ár.

 

Zakarias Wang. 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Rindaði bara 16 krónur fyri ein stóran bygning í Vestmanna
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
Miðvika við Kára P. Højgaard (3) - Gestur: Hendrik Old
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
R7 Premier League (41) - 9. des 2019
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Hol sett á arbeiði undir Høganesi
Metis - Øll sendingin - 03. des 2019
Hendingin í Miðvági í gjárkvøldið: politiið hevur sent hetta tíðindaskriv út
Ring til tann føroyska jóla­mannin
Hetta er nýggi havnarfútin í Vestmanna
Studningur til at ganga á háskúla í ríkisfelagsskapinum
Samrøða: Jacob Vestergaard um manglandi fiskidagar hjá Bólki 5B
Samrøða: Ragnar Danielsen um bók sína "Nú fækkast tey á gomlu Strandagøtu"
Ein mamma, sum nú er deyð, undir illgruna fyri dráp og drápsroynd í Tromsø
Georg L. Petersen: Innihaldið í samrøðuni eigur út til fólkið
Pávakirkjan snávar frá eini gølu til aðra
Jødisk-kristin mentan og etniska býtið av Nobel-vinnarum
Trupulleiki við muni á fiskaprísi
Fleiri idiotiskir spádómar um annað enn veður
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi