Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Kommunala Eftirlitið góðkent Spaniastovu-verkætlanina

Innanlands | 20/07-2019 16:00

Soleiðis sum málið er lýst, metir Heilsu- og innlendismálaráðið, at stuðulin til Spaniastovu hevur heimild í kommunufulltrúnni, og at grundarlag ikki er fyri at halda, at kommunan hevur stuðlað Spaniastovu í stríð við lóggávuna.

Kommunala Eftirlitið hevur gjørt niðurstøðu í málinum um avrikssáttmálan millum Klaksvíkar kommunu og Spaniastovu, har eftirlitið staðfestir, at kommunali avrikssáttmálin við Spaniastovu hevur heimild í kommunufulltrúini og er í tráð við lóggávuna, og eftirlitið metir ikki, at samanhangur er ímillum stuðulin til Spaniastovu og umleggingina av ungdómshúsinum.

Kommunala Eftirlitið, sum bygnaðarliga er partur av Heilsu- og Innlendismálaráðnum, hevur í skrivi til Klaksvíkar kommunu, dagfest 10. juli 2019, boðað frá sínum niðurstøðum í mun til avrikssáttmálan, sum Klaksvíkar kommuna og Spaniastova hava gjørt til tess at veita borgarunum í kommununi og landinum øllum mentanarupplivingar og framførslur av ymiskum slag.

 

Í skrivi sínum greiðir Kommunala Eftirlitið millum annað soleiðis frá málinum: 

Í greinum á www.nordlysid.fo frá 4.-15. januar 2019 varð róð framundir, at Klaksvíkar kommuna hevur samtykt at stuðla privatari fyritøku, og at avtala varð gjørd við ein kommunalan stovnsleiðara um at fara úr kommunala leiðarastarvinum, samstundis sum býráðið tryggjaði privata felagið hjá fráfarandi stovnsleiðaranum fíggjarliga. Tann 20. februar 2019 sendi Heilsu- og innlendismálaráðið teldupost til Klaksvíkar kommunu og bað kommununa um at lýsa málið og at senda ráðnum øll skjøl í málinum.

Í telduposti tann 3. apríl 2019 sendi kommunan eina lýsing av málinum, har eitt nú greitt verður frá, at talan er um tvey viðurskifti, har annað snýr seg um eina avrikssáttmála við Spaniastovu, meðan hitt var umlegging av ungdómshúsinum, Húsið, sum hevði tørv á nýggjari byrjan.

Í teldupostinum verður upplýst, at kommunan hevur gjørt ein avrikssáttmála við Spaniastovu galdandi fyri 5 ár. Upphæddin í sáttmálanum er ikki føst, men verður ásett árliga við støði í eini eftirmeting av virkseminum.

 

Klaksvíkar kommuna metir, at stuðulin til Spaniastovu er ein partur av nátúrliga kommunala virkseminum, og at hetta er ein partur av kommunufulltrúnni. Kommunan metir, at Spaniastova hevur týdning fyri mentanarumhvørvið í Klaksvík, og við avrikssáttmálanum rindar kommunan felagnum eina mánaðarliga upphædd fyri at veita eitt ávíst tal av mentanarupplivingum. 
Kommunan sendi tann 7. mai 2019 Heilsu- og innlendismálaráðnum øll skjøl í málinum.

Víðari greiðir Kommunala eftirlitið í skrivi sínum frá lógargrundarlagnum og egnum viðmerkingum til málið og tekur síðan at enda soleiðis saman um málið:

 

Niðurstøða:

Soleiðis sum málið er lýst, metir Heilsu- og innlendismálaráðið, at stuðulin til Spaniastovu hevur heimild í kommunufulltrúnni, og at grundarlag ikki er fyri at halda, at kommunan hevur stuðlað Spaniastovu í stríð við lóggávuna. Soleiðis um málið er lýst er ei heldur grundarlag fyri at halda, at samanhangur er ímillum stuðulin til Spaniastovu og umleggingina av ungdómshúsinum.

skrivar klaksvik.fo


Lagt út: Birgir Waag Høgnesen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
Miðvika við Kára P. Højgaard (3) - Gestur: Hendrik Old
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Samrøða: Jacob Vestergaard um manglandi fiskidagar hjá Bólki 5B
Studningur til at ganga á háskúla í ríkisfelagsskapinum
Samrøða: Ragnar Danielsen um bók sína "Nú fækkast tey á gomlu Strandagøtu"
Georg L. Petersen: Innihaldið í samrøðuni eigur út til fólkið
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Pávakirkjan snávar frá eini gølu til aðra
Trupulleiki við muni á fiskaprísi
Strandferðslan: Nærum øll koyring og sigling avlýst vegna veður
Eigur tú tveir lastbilar til Landsverk ?
Útlendingar í USA sendu í fjør USD 160 mia til familjur heima
TALUFRÆLSI
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi