Nýggjur ísbrótari mátti avbróta fyrsta túrin
Nýggi ísbrótarin hjá norðmonnum, Kronprins Haakon, mátti avbróta fyrsta túrin
Fleiri rannsóknarferðir eru í vanda, nú nýggi ísbrótarin hjá norðmonnum fekk skaða á fyrsta túrinum. Nýggi ísbrótarin kostaði gott og væl eina milliard danskar krónur at smíða.
Royndartúrurin inn í ísin norðanfyri Svalbard gekk annars so væl.
Norski stoltleikin, Kronprins Haakon, er serliga smíðaður at fara inn í ís í økjum á Norður- og Suðurpólinum, og norski Havgranskingarstovnurin segði, at skipið toldi meira ís, enn tað er smíðað til.
Men tá ið 35 granskarar í juli fóru til sjós tann túrin, sum skuldi vera veruligi túrurin inn í íshavið, stóð sum í berginum, fyrsta teir rørdu ísin. Tað skrivar Klassekampen.
Við oljuleka, einari maskinu, ið ikki riggaði, sum hon skuldi, og ísi á skrúvuni, noyddist flaggskipið í norskari havgransking at venda aftur aftur í havn í Noregi – uttan at vera komið so langt sum til Fram-rannsóknarferðina í 1895.
Kelda: antares.fo/NRK/Klassekampen
Mest lisið í farnu viku
Samband
Heygsvegur 8
490 Strendur