Gudstænasta í gjónni við Gjógv komandi sunnudag
Tað ræður um at møta stundisliga í gjónni sunnudagin – ikki bert fyri at fáa gott sitipláss, men eisini til tess at síggja nýinsetta prestin, Jonhard Jógvanson, verða skjútsaðan inn í Gjónna, meðan kirkjuklokkan ringir. Tað skrivar Fólkakirkjan á heimasíðu síni í samband við gudstænastuna komandi sunnudag kl. 16 í gjónni við Gjógv.
Preludium, postludium og sang undir gudstænastuni eigur Tarira, við Kára Bæk sum kórleiðara, og til felagssálmarnar spælir Eiðis Ljómfelag, ið Oddur Hentze stjórnar. Eftir prædikuna verður høvi at hoyra systrarnar Elsu Mariu og Biritu Dam framføra tríggjar duettir hjá Mozart fyri tvørfloytu og bratsj.
Fyrireikararnir gleða seg til enn einaferð at síggja gjónna fulla av fólki, ið hava leitað sær til Gjáar at njóta løtuna, skrivar Fòlkakirkjan.
Mest lisið í farnu viku
Samband
Heygsvegur 8
490 Strendur