Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

- Stjórin í Vinnuhúsinum manipulerar

Innanlands, Lesarabrøv, Vinnulív | 06/08-2019 22:00

Settist við áhuga at hyggja eftir D&V mánadagin 5 august.

Spentur at hoyra, hvat Vinnuhúsið hevði at siga til kanningina, sum fakfeløgini høvdu latið gjørt.

Var sera skuffaður, tó als ikki bilsin, at hoyra stjóran í Vinnuhúsinum úttala seg um støðuna. Virkaði, sum hon royndi at sláa alt upp í glens.

Segði seg millum annað frøast um, at sáttmálar og setanarskriv verða hildin.

Má bara vísa stjóranum á, at sáttmálarnir als ikki verða hildnir.

Tá eg sigi tað, er tað tí, at tað, sum limir í Vinnuhúsinum hava søkt og fingið loyvi til, er at innflyta faklærda arbeiðsmegi. Tá hesir faklærdu útlendingar so koma til landið, eru hesar fyritøkur tær fyrstu til ikki at góðkenna teirra prógv.

Hví so er, kunna vit bara gita um, men lógin á økinum er greið. Tað er faklærd arbeiðsmegi, vit her tosa um og skulu hesir tí lønast sambært sáttmálanum fyri økið, sum er handverkarasáttmálin. Er tað so, at hesir útlendingar ikki kunnu góðkennast sum faklærdir, uppfylla teir snøgt sagt ikki treytirnar, lógin ásetur, og áttu tí at verið sendir avstað aftur.

Tað velja fyritøkurnar tó ikki at gera, men seta teir í starv til at útføra tað handverksarbeiði, teir upprunaliga eru komnir til, bara til eina sáttmálaløn, sum er væl undir handverkarasáttmálanum.

Løgin máti at søkja eftir kvalifiseraðum fólki til eina uppgávu, fyri síðani at diskvalisera hesi somu fólk, men seta tey til at gera uppgávuna allíkavæl.

Tað kemur eisini fram í kanningini, at føroyskur millummaður fær uml 12 % av hvørjum útgoldnum lønartíma hjá hesum monnum sum samsýning  frá arbeiðsgevara, sum er limur í Vinnuhúsinum.

Omaná hettar gjalda hesir persónar so ein okursprís (kontant) fyri ein slumlíknandi bústað, sum helst eingin føroyingur vildi búð í.

Eg havi so ikki sæð nakran sáttmála, sum loyvir slíkum metodum.

Niðurstøðan má tí vera, at úttalilsini frá stjóranum í Vinnuhúsinum í D&V vóru sera villeiðandi og manipulerandi og helst søgd ímóti betri vitan.

Útlendingaøkið er skipa í fleiri lógum og kunngerðum,sum kunna síggjast í fullum líki á heimasíðuni hjá Ùtlendingastovuni.

Í stuttum kann sigast, at norðurlendingar frítt kunnu koma til Føroya at arbeiða. Tá krevst onki loyvi av nøkrum slagi.

ES-borgarar kunnu eisini koma til Føroya at arbeiða, men til tað krevst arbeiðs- og uppihaldsloyvi.

ES-borgarar kunnu fáa arbeiðs- og uppihaldsloyvi í Føroyum, tá arbeiðsloysið í Føroyum er minni enn 3,5%. Tá verða ongin krøv sett til førleikar ella útbúgving hjá útlendsku arbeiðsmegini.

Er arbeiðsloysið í Føroyum minni enn 6%, men hægri enn 3,5%, ber eisini til at fáa útlendingar til Føroya at arbeiða. Tá skulu útlendingarnir vera faklærdir innan ávís handverk og arbeiða innan byggi- og verklagsøkið. Hendan broyting varð gjørd í 2014, tí byggivinnan hevði so stóran tørv á handverkarum. Faklærdari arbeiðsmegi.

Tað verða eisini sett serlig krøv til innflutning av arbeiðsmegi. Útlendingarnir skulu arbeiða í minsta lagi 30 tímar um vikuna, og útlendingarnir skulu lønast sambært føroyskum sáttmálum, galdandi fyri økini.


Havnar Handverkarafelag
Eli Brimsvík, formaður


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Lýsing
Mest lisið í farnu viku
Vit á R7 gita: Hendan ferjan skal sigla við farminum, um Skopunarfjørð
Høvdu vit átt ein Brand Sandoy, so var annarleiðis her
Framfýsin borgar­stjóri: ongin orsøk at fella i fátt
4,8 milliónir hava sæð filmin um filippinarar í Føroyum
Forkvinnan í Kringvarpstýri­num heldur eisini at ein kanning skal setast í verk, um lekan í KVF
R7 Premier League (41) - 9. des 2019
Miðvika við Kára P. Højgaard (4) - Gestur: Henning Bøgesvang
Samrøða: Heine Lützen um 17 heimsmál­ini hjá ST
Úr myndasavni­num – Nøkur góð minni um mynd frá seinast í 1960 – árunum
R7 eisini rakt av fútabanni
Útlendskur ognarskapur í føroysku fiski­vinnuni má út
Hendingin í Miðvági í gjárkvøldið: politiið hevur sent hetta tíðindaskriv út
Fiskaðu tosk, men avreiddu sild
Jóla­pakkar­nir eru góðir, hóast allir eru til mannfólk
So er Hasfjord helst á veg í flotan- Løgtingið samtykt 10 milliónir til ferjukeyp
Jødar umhugsa at fara úr Bretlandi
Samrøða: Óli Jacobsen um bókina “Njál – ljós í skugga”
Skattamálið snýr seg ikki um boðberan
Er tað so KVF sum hóttir trygdina í Føroyum?
TALUFRÆLSI
Úr myndasavni­num: Nøkur orð um 67 ára gamlan komfýr og ovnar úr stoypijarni
Professari á DTU: Ætlanin er at fólk skulu hava elektroniska flís í heilan
Metis - Øll sendingin - 10. des 2019
Bókatáttu­rin (2)
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi