Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Hægri politisk raðfesting av førleikamenning og vaksnamannaútbúgving

Innanlands, Lesarabrøv | 07/08-2019 14:00
Mynd: Hilmar Augustinussen

Skrivar Hilmar Augustinussen, nevndarlimur í Starvsmannafelagnum

ARBEIÐSMARKNAÐUR: Starvsmannafelagið heldur, at vaksnamannaútbúgving og førleikamenning mugu raðfestast politiskt og skipast við lóg. Sum partur av hesum skal markaður peningur játtast almennum stovnum, so sáttmálaásetingarnar kunnu fremjast í verki.

Fyri fimti árum síðani vóru ikki nógv størv at velja í. Sum einstaklingur var ein tá næstan líka bundin, sum í 1920, tá møguleikarnnir hjá føroyingum nærum bara vóru valið ímillum at standa á einum bátadekki ella arbeiða við fiski á landi. Tó vóru undantøk, tí onkur var reiðari, annar lærari, onkur prestur ella sakførari. Veruleikin var, at møguleikarnir í landinum vóru smáir, og vildi tú nakað annað, mátti tú flyta. Tann tíðin er tíbetur farin. Føroyar eru í rívandi menning og tey valini, ein tók sum 13 ára gamal, høvdu uttan iva verið onnur í dag.

Hóast valmøguleikarnir eru fleiri í dag, er tilfeingið úr sjónum framvegis okkara grundarlag. Gott nokk gera vit meira við tað nú enn tá, men men!

Vit hava tó eina aðra rávøru. Eina óendaliga rávøru, sum á nýmótans máli verður rópt brainpower. Tað vil siga høvdið og heilin. Vit duga, tora og hava tann rætta hugburðin at byggja á, men tað eru enn valini í tannárunum, ið binda, ella hvussu?

Nógvir føroyingar standa enn á bátadekki. Nú sum skipsførarar, maskinmeistarar ella í øðrum størvum og væl betri umstøðum. Fólk við góðari útbúgving.

Eg hoyrdi nú hendan dagin í útvarpinum, at ein føroyingur er við at gera ferðina til gongustjørnina Mars møguliga um bert fá ár.

Hetta er tekin um, at vit gera okkur rætt, og latið okkum halda fram við tí. Hevur tú hug at fara frá at stýra eini skútu til at stýra einum flogfari? Kanska gera ein tunnil á Mars, á mánanum ella aðrari gongustjørnu? Hevur tú hug og hegni at fara víðari, so eigur samfelagið at hjálpa og stuðla undir hetta. Latið okkum síggja glasið hálvt fult og fylla meira í, heldur enn hálvtómt og síggja tað tømast.

Talgildu Føroyar eru beint á trappuni. Her skuldi so avgjørt staðið ”Vaksnamanna útbúgving og førleikamenning”. Um ikki fremst, so frammaliga. Talgildu Føroyar er eitt gott átak, ið fer at broyta okkara gerandisdag.

Útbúgvingarjáttanin má økjast

Eg sá í Íslandi eina maskinu, sum á einum flakavirki var orsøk til, at 250 fólk gjørdist arbeiðsleys. Ein fiskur fór inn í øðrum endanum, og út kom vøran grýtuklár í hinum endanum. Hvussu kann arbeiðsmarknaðurin geva nýtt pláss fyri hesum 250 fólkunum? Onkur av teimum kundi tikið sær av at ansa áðurnevndu maskinu, og aftur onnur fáast við aðra vøru, ið stóðst av hesum. Tað verður tó bert pláss fyri einum brotparti av teimum, sum brúk var fyri frammanundan. Vit mugu tí fáa vaksnamannaútbúgvingar, sum kunnu lofta hesum fólkunum, og ongantíð ov skjótt.

Ein trupulleiki er, at arbeiðsplássini ikki halda seg hava ella fáa fíggjarligar játtanir til hetta. Um ein leitar á heimasíðuni logir.fo fyri at finna onkra lóg, ið stuðlar undir vaksnamannaútbúgving, er nærum einki at finna. Við at skriva ”Vaksna” í leitifeltið er einasta svarið: “Vegleiðing til kunngerð nr. 18 um stuðul til hjálparráð frá 2010,” ið umrøður stuðul til millum annað brillugløs. Tó snýr hetta seg mest um, nær tú ikki hevur rætt til stuðul. Stuðul fæst tó fyri “....skavankir, sum eru íkomnir í vaksna lívinum” og í sambandi við hjálparráð, ið verða umrødd soleiðis: “Hjálparráð eru miðlar, tól, lutit útgerð o.l., sum eru framleidd ella verða nýtt til at bøta um brek/sjúku...”.

Kanska dugir onkur betur at leita, men hetta var so úrslitið, sum eg fekk. Ikki gott nokk! Givið er, at framtíðin letur ikki bíða eftir sær. Og her skal vera pláss fyri øllum. Fleiri fyritøkur eru frammaliga í hesum, men alment er ongin støða tikin enn.

Latið okkum skjótast gjørligt fáa kjakið um vaksnamannaútbúgving á ting, so fólk ikki verða bundin av einari gamlari avgerð. Tí hvør veit sum 13 ára gamal, hvør lívsleiðin hjá einum verður?

 

Hilmar Augustinussen

Nevndarlimur í Starvsmannafelagnum


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vit á R7 gita: Hendan ferjan skal sigla við farminum, um Skopunarfjørð
Høvdu vit átt ein Brand Sandoy, so var annarleiðis her
Framfýsin borgar­stjóri: ongin orsøk at fella i fátt
4,8 milliónir hava sæð filmin um filippinarar í Føroyum
Forkvinnan í Kringvarpstýri­num heldur eisini at ein kanning skal setast í verk, um lekan í KVF
R7 Premier League (41) - 9. des 2019
Miðvika við Kára P. Højgaard (4) - Gestur: Henning Bøgesvang
Samrøða: Heine Lützen um 17 heimsmál­ini hjá ST
Úr myndasavni­num – Nøkur góð minni um mynd frá seinast í 1960 – árunum
R7 eisini rakt av fútabanni
Útlendskur ognarskapur í føroysku fiski­vinnuni má út
Hendingin í Miðvági í gjárkvøldið: politiið hevur sent hetta tíðindaskriv út
Fiskaðu tosk, men avreiddu sild
Jóla­pakkar­nir eru góðir, hóast allir eru til mannfólk
So er Hasfjord helst á veg í flotan- Løgtingið samtykt 10 milliónir til ferjukeyp
Jødar umhugsa at fara úr Bretlandi
Samrøða: Óli Jacobsen um bókina “Njál – ljós í skugga”
Skattamálið snýr seg ikki um boðberan
Er tað so KVF sum hóttir trygdina í Føroyum?
TALUFRÆLSI
Úr myndasavni­num: Nøkur orð um 67 ára gamlan komfýr og ovnar úr stoypijarni
Professari á DTU: Ætlanin er at fólk skulu hava elektroniska flís í heilan
Metis - Øll sendingin - 10. des 2019
Bókatáttu­rin (2)
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi