Suðuroyarkabarettin 2019 í Norðurlandahúsinum
Leygardagin vitjar Suðuroyar Sjónleikarafelag Norðurlandahúsið við Suðuroyarkabarettini 2019, sum Jákup Weihe hevur leikstjórna.
Suðuroyar Sjónleikarafelag, sá dagsins ljós fyri hálvum øðrum árið síðani, og tey hava spælt sjónleik líka síðani. Tær góðu umstøðurnar í SALT, hava verið við til at gjørt, at felagið hevur fingið eina góða byrjan. Leikirnar, hava allir verið stórfingnir og Suðuroyarkabarettin 2019 er onki undantak, skrivar Norðurlandahúsið.
Har verða nógv fólk á palli, eitt heilt orkestur, sum er manning úr Asyllex, og eitt flott ljósshow, sum ger at áskoðarin fær nakað til allir sansirnar. Súni Joensen, hevur ljósdesignað Suðuroyarkabarettina 2019.
Tónleikurin setur sín heilt serliga dám á, og eru tað ABBA sangir og sangir hjá Queen, sum eru við til at skapa stemningin.
Okur eru í Suðuroynni. Søgurnar, typurnar og bygdirnar og tað hoyrust aftur. Skemti er lokalt, men tað fevnir eisini víðari enn tað. Havnadamurnar, Bingohøllin, ssl. Øll kunnu kenna seg aftur í nógvum av tí, sum verður framført, og tað er ikki neyðugt at verða suðringur fyri at fáa nakað burturúr kabarettini, skrivar Norðurlandahúsið.
Hetta er fyrstu ferð at Suðuroyar Sjónleikarafelag framførir uttan fyri SALT. Ein stórur hópur av leikarum, tónleikarum og hjálparfólki eru sera spent og klár til tann stóra endabrestin í Norðurlandahúsinum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur