Hvussu langt skulu vit fylgja streyminum áðrenn vit vakna?
Ein yvirskrift á Lesarin.fo sigur: Hvat skal til áðrenn vit vakna? Hetta snýr seg um ferðavinnuna, sum hevur skapt stríð og órógv nógvastaðni, men einki veruligt og nøktandi verður gjørt.
Handan yvirskriftin kann eisini brúkast í einum øðrum ruðuleika, sum hevur trongt seg inn á land okkara. Hvussu langt skulu vit fylgja streyminum áðrenn vit vakna?
Skulu vit sum land bara leypa á leistum fyri øllum tí, sum LGBT kemur við. Skal landið liggja víðopið, so øll kunnu traðka tær natúrligu og Gud givnu lógirnar í sandasor? Hvussu nógvar aðrar upploysandi lógir skulu vit taka undir við, áðrenn Føroyar ikki er Føroyar meira?
Ræðandi er eisini at síggja at tey, sum siga seg vera trúgvandi taka undir við slíkum. Og sum við ferðavinnuni, so hava ávaringarnar verið nógvar, ávaringar um, at tað ikki steðgaði við 266B, heldur ikki við broytingum í hjúnabandslógini, heldur ikki við at geva loyvi til at skifta kyn á pappírinum og alt tað, sum fylgir við hesum.
Og hóast vit síggja hvussu tað hevur gingið fyri seg í londunum, sum vit samanbera okkum við, so sita vit sum apurnar, við hondum fyri eygunum, fingrum í oyrunum og læstum munni og lata alt verða sorlað niður.
Nú eru tað so børnini, sum skulu standa fyri tørni, 6 ára gomul børn skulu sleppa at velja um tey eru drongur ella genta. Og aðrastaðni eru tað eisini foreldur, sum ikki vilja seta kyn á barnið tá tað er føtt, tí tað skal sjálvt kunnu velja kyn tá tað verður størri. Eru vit blivin fullkomuliga ábyrgdarleys? Vilja vit ikki verja okkara minstu longur? Nei, sjálvandi, vit drepa tey jú í móðurlívi og summastaðni er loyvi at drepa tey beint áðrenn føðing, so kensluleys er menniskjan blivin. Hvussu skal Føroyar síggja út um nøkur ár, tá ið børn ikki vita hvør veruliga mamman ella pápin eru, ikki vita hvat kyn tey eru?
Hvussu langt vilja tit, sum nú bjóða tykkum fram at stjórna okkara landi fara? Farna 4 ára skeiðið hevur verið ræðandi og kvinnurnar eru tær ringastu.
Hugsið tykkum væl um áðrenn tit seta krossin, tað er framtíðin hjá okkara børnum tað snýr seg um.
Soleiðis skrivar Britt Rasmussen í dag á Facebook.
Mest lisið í farnu viku
Samband
Heygsvegur 8
490 Strendur