Norskir tollarar funnu metstóra nøgd av kokaini
Eitt kvøldið seinast í juni mánaði kom eitt bingjuskip frá Ekvador til Ålesund í Noregi. Umborð vóru meira enn 20 kilo av kokaini, og hundarnir hjá tollvaldinum fingu skjótt illgruna.
Norsku tollararnir sóu nú, at við eina lúka á einari frystibingju, sum annars skuldi vera tóm, lógu fleiri pakkar í ymsum støddum, og tá var løgreglan í Møre og Romsdal boðsend beinanvegin.
Tað skrivaðu norsku tollmyndugleikarnir mikudagin.
Í alt vórðu 21 pakkar við 23,5 kilo av kokaini funnir. Ætlanin var ikki, at kokainið skuldi í land í Ålesund.
Funnið verður ikki fram til øll ólóglig rúsevni, sum eru við handilsskipum, ið leggja inn í Ålesund, men tollararnir fylgja serliga væl við skipum úr Suðuramerika.
- Kokainið, sum verður smuglað til Noregs, kemur sum oftast úr ymsum suðuramerikonskum londum umvegis transitthavnir í Evropa, sigur Kim Hulgransen, samskiftisstjóri hjá norska tollvaldinum.
Norska tollvaldið hevur fyrsta hálvár í ár lagt hald á 81 kilo av kokaini.
Kelda: NRK og www.antares.fo
Mest lisið í farnu viku
Samband
Heygsvegur 8
490 Strendur