Dátueftirlitið: Um viðgerð av persónsupplýsingum í valstríði
Tíðindaskriv: Í sambandi við valstríð er skipað viðgerð av politisku sannføring veljarans ólóglig
Um viðgerð av persónsupplýsingum í valstríði
Í sambandi við valstríð er skipað viðgerð av politisku sannføring veljarans ólóglig
At seta seg í samband við og at royna at ávirka veljaran er partur av politikki og fólkaræðinum. Politiskir flokkar fyrireika politisk lýsingarátøk, og hesi átøk kunnu vera ymisk í ymsu pørtunum av landinum alt eftir, hvat flokkurin metir hóskar best til veljarar á staðnum.
Seinastu árini hevur í fleiri umførum verið víst á, at politiskir flokkar uttanlands í valstríði gera sær dælt av viðgerð av persónsupplýsingum um m.a. politisku sannføringina hjá veljarum.
Í slíkum førum verða veljarar - oftast óvitandi - skipaðir í skráir og dátugrunnar við egnum profili, sum m.a. vísir, hvat persónurin velur, kann hugsast at velja, og hvat kann vera við til, at persónurin broytir sannføring. Ført hevur verið fram, at hesar skráir hava fleiri enn túsund upplýsingar um hvønn einstakan veljara.
Politiskir flokkar, áhugabólkar og fremmandavald hava við støði í hesum skráum ført politisk valstríð. Útvaldir veljarar hava í hesum sambandi óvitandi verið umgirdir - serliga á sosialum miðlum - av einum lýsingarátaki ella átaki við ósannindum (fake news) við tí endamáli at manipulera veljaran at velja okkurt ávíst.
Víst hevur verið á, at slík valstríð ávirka demokratisku tilgongdina og hótta trúvirði á endaliga valúrslitinum. Hetta kann fáa stórar avleiðingar fyri fólkaræðið,2.
Nú løgtingsval stendur fyri framman, hevur Dátueftirlitið nakrar viðmerkingar hesum viðvíkjandi:
Dátueftirlitið hevur eftirlit við allari viðgerð, sum er fevnd av persónsupplýsingalógin'. Endamálið við persónsupplýsingalógini er at tryggja persónsvernd hins einstaka, virðing fyri tí persónliga frælsinum og heimafriðinum, tá ið ræður um viðgerð av persónsupplýsingum.
Persónsupplýsingar um politiska sannføring eru at meta sum viðkvæmar persónsupplýsingar, og viðkvæmar persónsupplýsingar hava serliga verju sambært persónsupplýsingalógini. Lóglig viðgerð av viðkvomum persónsupplýsingum skal vera sakliga grundað og hava eitt heimildargrundarlag.
Dátueftirlitið vil við hesum gera politikarar og onnur varug við, at skipað viðgerð av politisku sannføring veljarans í sambandi við valstríð ikki er sakliga grundað. Skipað viðgerð av politisku sannføring veljarans í sambandi við valstríð er tískil ólóglig sambært persónsupplýsingalógini.
Vinaliga nisball Faalumo Eyðhild Skaalum, stjóri á Dátueftirlitinum
https://edpb.europa.eu/sites/edpb/files/files/filel/edpb-2019-03-13-statement-on-elections en.pdf 2 https://data.consilium.europa.eu/doc/document/ST-6573-2019-REV-1/en/pdf
3 Ll. nr. 73 frá 5. mai 2001 um viðgerð av persónsupplýsingum, sum broytt við løgtingslóg nr. 24 frá 17. mai 2004.
Dátueftirlitið
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur