Seks leiðslufeilir, sum fáa góð starvsfólk at siga upp
Ert tú ónøgd/ur við leiðaran á arbeiðsplássinum? Ella ert tú kanska sjálv/ur leiðari? Her eru nøkur boð uppá, hvat ein leiðari ikki eigur at gera, um starvsfólkini skulu trívast á arbeiðsplássinum.
Kanningar vísa, at tað er greiður samanhangur millum leiðslu og motivatiónina hjá starvsfólki. Her eru nøkur boð uppá, hvat ein leiðari ikki skal gera, um hann ynskir at varðveita síni starvsfólk.
Geva starvsfólkunum ov nógvar uppgávur. Um tú sum leiðari ynskir at fáa starvsfólkini at arbeiða meira, mást tú geva teimum ein betri tittul, lønarhækkan ella líknandi, so tey føla seg vird fyri sítt arbeiði.
Gloyma at leiða starvsfólkini. Hóast starvsfólkini eru dugnalig og sjálvstøðug, so merkir tað ikki, at tey ikki skulu leiðast. Góðir leiðarar leiða, geva feedback og blíva við at finna umráði, har starvsfólkini kunnu mennast.
Ikki leggja í síni starvsfólk. Góðir leiðarar megna at fáa javnvág millum tað menniskjaliga og tað professionella. Vísa samkenslu í gleði og sorg og bjóða av - eisini tá tað er ringt.
Gloyma síni lyfti. Um ein leiðari ikki heldur síni lyfti, verður tað fatað sum líkasæla ella vantandi virðing. Heldur leiðarin tað, hann hevur lovað, veksur virðingin og trúvirðið í eygnum á starvsfólkunum.
Koyra og seta tey skeivu. Tað er demotiverandi fyri starvsfólkini, tá leiðarin ikki ger forarbeiðið nóg væl og tí setur fólk í starv, sum ikki eru egnað til starvið. Somuleiðis er tað demotiverandi, tá starvsfólkini føla, at summi koma sovandi til lønarhækkanir ella betri størv, meðan onnur mugu arbeiða hart fyri einki.
Gloyma at geva starvsfólkunum avbjóðingar. Góðir leiðarar hjálpa starvsfólkunum við uppgávum, sum tey halda vera truplar og minnast til at geva teimum avbjóðingar, tá uppgávurnar verða ov lættar og keðiligar.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur