Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Føroya Fuglafrøðifelag: Vindmylluætlan við Eiði

Innanlands | 11/09-2019 13:00

Á heysti í 2017 legði Orkudeildin á Umhvørvisstovuni fram rapportina “Vindmyllustaðseting. Val av økjum til vindmyllulundir í Føroyum og dømi um staðsetingar”.

Í rapportini vóru atlit tikin til hesi viðurskifti: Vegir, háspenningsnet, lendishall, bygt øki, vøtn og áir. Atlit vóru ikki tikin til m.a. náttúrugripir, fuglabøli og lendisslag.

Sambært rapportini vóru serliga tvey øki við góðum útlitum til at staðseta nýggjar vindmyllulundir: Í Junkarahaganum á fjallinum ímillum Kvívík og Vestmanna, og økið norðanfyri Eiðisvatn.

Vit vilja her vísa á, at økið norðanfyri Eiðisvatn hevur serlig náttúruvirði, sum stuðlar uppundir, at ein vindmyllulund ikki eigur at verða løgd har. 

Vit vilja í stuttum taka samanum hesi viðurskifti:

⦁    Ríkt fuglalív er í økinum, har ætlanin er at seta vindmyllurnar, bæði í høvuðsøkinum og í økinum rundanum. Á fýra stuttum túrum í økinum hava vit eygleitt uml. 25 fuglasløg, nøkur teirra í tøttum stovnum. Tey flestu sløgini eru á føroyska reyðlistanum frá 2005. Fýra teirra standa at vera vandaliga hótt. Mong av teimum 25 sløgunum eru eisini reyðlistað í grannalondum,  so sum í Íslandi og Noregi og í ES/Evropa. Vit hava staðfest reiðring fyri 9 sløg, harímillum sløg, sum eru óvanlig í Føroyum, t.d. tangspógvi og reyðspógvi. Ein skipað kanning av økinum hevði sannlíkt víst, at fleiri sløg bæði vitja og reiðrast har.

⦁    Hetta er eitt øki við ymiskum jarðarviðurskiftum, men har ein týðandi partur av høvuðsøkinum er torvmýra/vátøki við nøkrum smærri tjarnum. Økið fer at vera nógv ávirkað av vindmyllum og vegi, við at (i) kervið (vindmyllur, kápilsveitir, vegir) upptekur lendi, og (ii) at kervið hevur við sær, at økið verður drenað, so at vátøkið í stóran mun helst hvørvur.

⦁    Samanborið við flest onnur øki í Føroyum, er avmarkað trýst av seyði, sum gongur á biti í hesum økinum. Hetta er kemst helst av, at nógv beinbrotskattarklógv (Narthecium ossifragum) veksur í økinum. Lága bittrýstið gevur økinum eyka náttúruvirði í føroyskum høpi.

⦁    Økið umfatar torvmýrur. Torvmýrur eru náttúrlig kolevnisgoymsla. Drening av torvmýru førir við sær, at økið í størri mun fer at frígeva vakstrarhúsgass. Klimaroknskapurin verður tí ikki so positivur, sum gingið verður út frá í rapportini.

⦁    Vindmyllur eru ein vandi fyri fugl, við at rotorbløðini skaða og drepa fugl. Fugladeyði er vælkendur við vindmyllur. Serliga hevur uppmerksemi verið um størri fuglar og rovfuglar. Sannlíkt er stór undirrapportering av øðrum fuglum. Vit vita frá øðrum londum, at næstan øll sløg, sum vit hava eygleitt í økinum, eru funnin deyð av vindmillum. Hetta er ein enn størri trupulleiki, tá so nógvir fuglar reiðrast í økinum, tí tað hevur við sær nógva ferðslu til og frá, serliga í tíðini, tá foreldrini bera ungunum mat, kanska upp til fleiri tíggjutals ferðir um dagin.

Eftir okkara tykki er økið avbera serstakt í føroyskum samanhangi. Økið versnar nógv við útbygging av vindmyllum í økinum. Tað verður ein tjóðarmissur, har ikki vendist aftur, um útbyggingin verður framd.

Vegna
Føroya Fuglafrøðifelag
Svein-Ole Mikalsen   Jórun Pólsdóttir Danielsen   Jón Aldará                      
Nevndarlimir í Føroya Fuglafrøðifelag


Lagt út: Birgir Waag Høgnesen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Framfýsin borgar­stjóri: ongin orsøk at fella i fátt
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Miðvika við Kára P. Højgaard (4) - Gestur: Henning Bøgesvang
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
R7 eisini rakt av fútabanni
Hetta er nýggi havnarfútin í Vestmanna
Jóla­pakkar­nir eru góðir, hóast allir eru til mannfólk
Jødar umhugsa at fara úr Bretlandi
Skattamálið snýr seg ikki um boðberan
Pávakirkjan snávar frá eini gølu til aðra
Fleiri idiotiskir spádómar um annað enn veður
Jødisk-kristin mentan og etniska býtið av Nobel-vinnarum
Samrøða: Heine Lützen um 17 heimsmál­ini hjá ST
TALUFRÆLSI
Útlendingar í USA sendu í fjør USD 160 mia til familjur heima
Eigur tú tveir lastbilar til Landsverk ?
Strandferðslan: Nærum øll koyring og sigling avlýst vegna veður
Kórið hjá Jóhan í Sjóvar kirkju
Lands­stýrið stevnir KvF
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi