Við Kringvarpið segði Bárður á Steig Nielsen í gjárkvøldið, at teir vóru nærri málinum tá, men tað skulu takast nøkur tøk enn.

Fundurin sum byrjaði klokknan 22.00 endaði uttan nakra endaliga semju, men samráðingarleiðarin vónaði at teir kundu koma á mál tá teir hittast aftur klokkan 8:30 í morgun. 

Sambart Páll á Reynatúgvu, so skal Bárður á Steig Nielsen finna ein loysn áðrenn 09.30 í dag. 

Kringvarpið skrivaði á kvf.fo klokkan 02.11 í nátt soleiðis 

Fólkaflokkurin, Sambandsflokkurin og Miðflokkurin hava avtalað at hittast aftur ein tíma áðrenn tíðarfreistina, sum løgtingsformaðurin hevur ásett. Formenninir vóru fámæltir. Jenis av Rana rýmdi út gjøgnum bakdyrnar og Jørgen Niclasen noktaði at gera samrøðu við Kringvarpið. Ein fámæltur Bárður á Steig Nielsen vildi bert siga, at teir vóru nærri enn teir vóru, tá fundurin byrjaði klokkan 22 í gjárkvøldið, men at teir ikki vóru komnir á mál. 

Løgtingsfundur er sambart lóg í morgin klokkan 10.00.