Í januar 2018 hendi ein oljudálking við tyrlupallin í Froðba. Vanlukkan hendi tá ið EFFO bunkraði í ein tanga, sum Landsverk varðar av. Sambært KvF er talan um 1800 litrar av jetfuel, ella flúgvaradiesel, sum er farið í lendið við tyrlupallin í Froðba. Fólk í Suðuroy hava leingi harmast um, at eingin vildi taka ábyrgd av oljudálkingini, men nú tykist okkurt at henda.

Sambært KvF hevur løgreglan kannað málið, og tað hevur eisini verið til hoyringar hjá Umhvørvisstovuni. Og nú er so ákærurit skrivað, í málinum og tað verður latið rættinum, sigur Linda Hesselberg, ákæri.

EFFO, sum skipaði fyri bunkringini, og Landsverk, sum átti tangan, eru ákærd fyri brot á lógina um umvhørvisvernd.