MYNDARØÐ: HB, B36, Víkingur og KÍ vunnu steypini
Við fýra steypasigrum tilsamans, gjørdist HB stóri steypavinnarin 2019. HB vann Løgmanssteypið, Intersport steypið, finaluna hjá kvinnum og finaluna fyri Gentur U13
Nærum 3.000 áskoðarar á Tórsvølli sóu HB vinna Løgmanssteypið 2019, og harvið vann HB fýra steypasigrar í ár. Umframt Løgmanssteypið, vunnu teir reyð-svørtu eisini steypakappingini fyri Gentur U13, Intersport steypið (Dreingir U21) og steypakappingina hjá kvinnum.
B36 og KÍ vunnu tvey steyp í part, meðan Víkingur fór avstað við einum. B36 vann Mótasteypið (Gentur U18) og Solarsteypið (Dreingir U13), meðan klaksvíkingar vunnu Cadbury steypið (Dreingir U15) og Eilif Arge steypið (Gentur U15). Liðið úr Gøtu og Leirvík, Víkingur vann Blaðberasteypið, ið er steypakappingin fyri Dreingir U17.
- Níggju finalur upp á nakrar fáar dagar setur stór krøv til FSF. Men við góðari hjálp frá feløgunum, so hepnaðist hetta aftur í ár sera væl. Nógvir áskoðarar vóru til allar dystirnar, so tað er ikki frítt, at vit longu nú gleða okkum til steypafinaluvikuskiftið næsta ár, sigur Virgar Hvidbro, aðalskrivari hjá Fótbóltssambandi Føroya.
myndirnar við teksti finnast á FSF.FO
Mest lisið í farnu viku
Samband
Heygsvegur 8
490 Strendur