Hetta er fyrstu ferð í 46 ár at nakar er ákærdur eftir § 140 í revsilógini, ella blasfemi-greinini sum hon vanliga verður rópt.

Tað sigur ákæruvaldið í Norðurjyllandi í tíðindaskrivi. Maðurin er skuldsettur fyri at hava brent koranina í havanum hjá sær sjálvum. Tann 27. des. 2015 legði hann eitt filmsbrot av hendingini út á opna Facebook-bólkin "Ja til frihed - nej til Islam".

"Ákæruvaldu hevur ta fatan, at umstøðurnar í hesum málið gera, at ákæra skal reisast soleiðis at dómstólarnir fáa høvið til at taka støðu til málið", sigur Jan Reckendorff ið er statsadvokatur.

Statsadvokaturin hevur lagt málið fyri Ríkisadvokatin, ið tók undir við avgerðini um at reisa ákæru.

Brot á § 150 kunnu revsast við bót ella fongsul upp til 4 mánaðir. Men um tann 42 ára gamli verður dømdur, fær hann helst bert eina bót.

Hóast tað er langt síðani nakar var ákærdur, so hevur blasfemi-greinin fleiri ferðir verið uppi og vent uttan at ákæruvaldið hevur vilja reist ákæru. Tað hendi m.a. Í 2006 tá ið man sýtti fyri at reisa ákæru í sambandi við Muhammed-tekningarnar.

Kelda: Ritzau