Børn vakna ikki av brandalarmi
Í Onglandi hava teir gjørt royndir við brandalarmum. Orsøkin var ein hending tá 6 børn brendu inni. Børnini vóru millum 5 og 13 ára gomul. Kanningar staðfestu, at roykalarmurin fór í gongd, men staðfest varð eisini, at børnini doyðu, uttan at tey vaknaðu.
Dave Cross brunaumsjónarmaður og Niamh Nic Daeid, professari á Dundee University fóru síðan at kanna um børn vakna av brandalarmi. Tað vísti seg, at tað gera tey ikki.
Teir kannaðu 34 børn. Tey vóru millum 2 og 13 ár. Hesi fingu ikki at vita áðrenn, at royndir blivu gjørdar. Royndirnar blivu endurtiknar 6 ferðir. Royndirnar vóru gjørdar heima, har børnini búgva. Úrslitið var, at 27 børn vaknaðu ongantíð. 7 børn vaknaðu minst eina ferð. Av hesum 7 vóru allar gentir. Eingin drongur vaknaði.
Vanliga er frekvensurin á roykalarmun 3.000hz. Nú hava Daeid professari og aðrir gjørt eitt nýtt slag av roykalarmi har frequenzurin er 520hz og fyribilsroyndir vísa, at tað virkar munandi betri. Teir leita nú eftir 500 familjum, til at testa hendan nýggja roykalarmin.
Kelda: BBC
Mest lisið í farnu viku
Samband
Heygsvegur 8
490 Strendur