- Eg saknaði Føroyar og føroyingarnar
Orðið fólkafráflyting er skift út við fólkavøkstur, og vit nærkast 50.000 innbúgvum í hvørjum. Vit hava spurt fólk, hvussu tað er at flyta aftur til Føroya eftir fleiri ár uttanlands.
Navn: Torbjørn Lützen
Hvussu leingi hevur tú búð uttanlands?
Eg havi búð í Danmark í gott og væl 4,5 ár.
Hvat fekk teg at flyta aftur til Føroya?
Eg flutti heim, tí at eg treivst ikki serliga væl í Danmark. Eg saknaði Føroyar og ikki minst føroyingarnar, og tí fór eg heim.
Er tað nakað serligt, sum tú leggur merki til í Føroyum nú, sum tú ikki hugsaði um, áðrenn tú flutti av landinum?
Eg haldi, at tað eg serliga legði merki til var, hvussu flott tað var í Føroyum. Mann MÀ nokk vekk frá Føroyum, fyri at veruliga kunna síggja, hvussu flott tað er. Og eisini kundi mann ikki lata vera við at gleðast yvir, at internet og telefoni er blivið bæði betri og bíligari, og at tað er meira at fara til nú.
Navn: Bára Akselsdóttir Haraldsen
Hvussu leingi hevur tú búð uttanlands?
Eg havi búð uttanlands, í Keypmannahavn, síðan summar 2010 til januar 2017.
Hvat fekk teg at flyta aftur til Føroya?
Sum liður í míni kandidat útbúgving kundi eg taka eitt semestur í starvsvenjing, og ynskti eg at gera hetta í Føroyum. Samstundis, aftaná nógv ár í Keypmannahavn, longdist eg aftur til Føroya, til familju, vinfólk og náttúruna, sum eg føldi, at eg hevði forsømt í nógv ár. Tí valdi eg at flyta aftur Føroya.
Er tað nakað serligt, sum tú leggur merki til í Føroyum nú, sum tú ikki hugsaði um, áðrenn tú flutti av landinum?
Fólk eru sera blíð og hjálpsom í ferðsluni í háferðslutíð. Eg gangi oman eftir Sundsvegnum (í Havn) til arbeiðis, har er nógv ferðsla har um morgunin. Eg síggi, hvussu bilførarar lova bilum ímillum, ið skulu frá síðuvegum og út á høvuðsvegin. Tað, at fólk eru so blíð og hjálpsom í ferðsluni, hevði eg ikki hugsað um, áðrenn eg flutti til Danmarkar, og havi eg ikki sæð í Keypmannahavn. Eg haldi hetta vera ein góður hugburður at hava í ferðsluni (og sum heild), at man lovar hvørjum øðrum út og ímillum, og ikki einans hugsar sum seg sjálva, og at ein sjálvur skal koma so skjótt fram sum møguligt.
Líknandi tíðindi
Mest lisið í farnu viku
Samband
Heygsvegur 8
490 Strendur