Fiskbann í Eystursjónum eftir føroyskum leisti
ES- kommisjónin fer nú at kanna, hví Danmark og Týskland loyva toski sum hjáveiðu í februar og mars, tá tað annars ætlandi skuldi verða fullkomið veiðubann. Hetta veiðubann er ásett fyri at uppbyggja fiskastovnarnar. Økið talan er um er Eystursjógvurin. Kvoturnar eru í ár 56% lægri enn í fjør og fullkomið veiðibann skuldi verða alla gýtingartíðina.
Fyrst loyvdi Týskland sínum skipum at veiða flatfisk. Síðan valdi Danmark at gera tað sama.
Orsøkin til at fiskiveiða er loyvd er, at í fiskiskapi eftir flatfiski er Toskur hjáveiða. Tað ber ikki til at fiska flatfisk uttan at fáa nakað av Toski sum hjáveiðu.
Tí er støðan tann, at teir, sum hava fiska tosk við gørnum ikki hava loyv at fiska, meðan teir sum fiska flatfisk hava loyvi at fiska Tosk sum hjáveiðu.
Sambært Fødevareministeriet, so loyvdu týskarar hesum fiskiskapi, tí teir tolkaðu reglurnar øðrvísi enn danskarar gjørdu. Siðan broyttu danskarar sína tulking. Grundgevingin var, at fiskileiðirnar í ES eru felags og at tað bar ikki til at danskarar, sum fiska flatfisk ikki sleppa at fiska, meðan týskarar fiska á somu leið.
Í Føroyum gjørdi Føroya Løgting júst tað sama í august seinasta ár. Tá misti húkaflotin nógvar dagar, meðan partrolarar ikki mistu dagar. Teir fiska umleið eins nógvan Tosk í tonsum. Men trolarar fáa Tosk sum hjáveiðu og línubátar fiska Tosk sum høvuðsfiskislag. Sjálvt snellubátar, sum bara fiska upsa mistu dagar.
Kelda: DR
Mest lisið í farnu viku
Samband
Heygsvegur 8
490 Strendur