Royal Bank of Scotland mist 400 millardir síðan fíggjarkreppuna
Royal Bank of Scotland hevði undirskot í 2016. Hetta er 9 ári á rað við halli. Stjórin lovar nógvar sparingar og avlop í 2019
Royal Bank of Scotland er stovnaður í 1727. Tilsamans eru 92.000 starvsfólk og 700 deildir, tær flestu í Skotlandi. Stórsti parturin av kundunum eru í Skotlandi. Í 2008 yvirtók bretski staturin 80% av partabrøvunum í samband við fíggjarkreppuna.
Royal Bank of Scotland hevur havt tað sera trupult seinastu árini. Í 2011 fekk bankin uml. 250 milliónir í bót, fyri kappingar avlagandi virksemi.
Stór ónøgd var um at bankin betalti 11 millardir í bonus til leiðandi starvsfólk, hóast bankin hevði stórt undirskot.
Í 2016 fekk BBC fatur á innanhýsis pappírum, sum vístu at RBS, á skipaðan hátt, hevði misnýtt sínar kundar. Hetta gjørdu teir við at selja ognir hjá feløgum á tvingsilssølu, fyri síðan at keypa tær aftur fyri næstan einki og selja tær víðari við vinningi. Hendan innanhýsis kanning vísti tað mótsætta av tí RBS hevði upplýst fyri bretska tjóðartinginum.
Núverandi stjórin sigur, at rokna verður við, at avlop verður í 2019. Samlaða undirskotið seinastu 9 árini er 50 milliardir pund. Tað svarar til millum 400-450 milliardir krónur. Harav er undirskotið í 2016, 60 milliardir. Stórsti parturin av hesum eru avsetingar fyri komandi bøtur í samband við sølu av húsalánum í USA og at villeiða kundar í samband við sølu av tryggingum við meira. Avsett til hetta eru tilsamans 50 milliardir.
Higartil hevur bretski landskassin goldið tað sum mist er. Útlitini fyri at fáa pengarnar aftur eru vánalig í løtuni.
Kelda: BBC, Sky News og Wikipedia.
Mest lisið í farnu viku
Samband
Heygsvegur 8
490 Strendur