Bretskir sjómenn ilskast inn á risa-trolara í bretskum sjógvi
Bretsk sjófólk ilskast um ein risastóran litaviskan trolara, sum í hesum døgum trolar í bretskum sjógvi. Talan er um 6.200 tons stóra trolaran, Margiris, sum er skrásettur í Litava.
Bretar vísa á, at trolarin er fjúrtan ferðir størri enn nógv av bretsku fiskiskipunum, og teir óttast hendan velduga trolara-kapasitetin. Samstundis óttast umhvørvisfelagsskapir, at bæði tunfiskur, delfinir og aðrir hvalir skulu enda í risastóra trolinum hjá Margiris.
Trolarar á hesi støddini hava verksmiðju umborð, og kunnu framleiða 250 tons av fiski um dagin. Avstralia bannaði fyri nøkrum árum síðani hesum slagnum av risa-trolarum at fiska í avstralskum sjógvi.
Bretskir sjómenn hava fingið bretsku sjóverjuna at fara umborð á litaviska trolaran at kanna, um loyvini eru ílagi. Og tað eru tey. Stóri trolarin hevur loyvið at fiska í bretskum sjógvi sambært ES-reglum.
The Telegraph skrivar, at eftir eitt Brexit kunnu bretskir myndugleikar tveita litaviska trolaran úr bretskum sjógvi. Spurningurin er so, um risastóri trolarin kann royna aðrastaðni – til dømis við hjálp av stráðmannavirksemi.
Mest lisið í farnu viku
Samband
Heygsvegur 8
490 Strendur