Carlsberg fer skjótt at selja øl úr pappírsfløskum
Carlsberg bryggjarí er í holt við at menna ølfløsku evnaða úr pappíri. Fríggjadagin verða tvær prototýpur lagdar fram.
Carlsberg bryggjarí hevur arbeitt við hugskotinum um eina pappírsfløsku síðan 2015. Í samband við C40-Klimafundin fríggjadagin, fer bryggjaríið at leggja tvær prototýpur fram.
- Hóast vit ikki eru komin heilt á mál enn, so eru hesar báðar prototýpurnar eitt stórt stig á vegnum. Okkara endaliga ætlan, er at fáa hesa slóðbrótandi tøknina inn á marknaðin, sigur varastjórin í Group Development í Carlsberg, Myriam Shingleton í tíðindaskrivinum.
Sambært Carlsberg fer menningin at verða styrkt av nýggja "pappírsfløskusamtakinum", sum vinnufelagið er farið í, saman við trimum altjóða feløgum og fyritøkuni Paboco.
Talan er um feløgini aftanfyri Coca-Cola, vakurleikavirkið L'Oréal, og The Absolut Company, sum millum annað gera Absolut Vodka.
Samstarvið skal sambært Paboco styrkja menningina av burðardyggum pakkitilfari. Fyritøkan Paboco hevur servitan um pakkitilfar úr pappíri.
- Í nýggja samtakinum samstarva vit um virðið, deilast um váðan, og eru felags um visjónina, sum er, at pappírfløskan fer at broyta vinnuna heilt grundleggjandi. Tað sigur, fyrisitingarstjórin hjá Paboco, Gittan Schiöld.
Báðar prototýpurnar, sum verða almannakunngjørdar á C40-fundinum, eru fyrst og fremst evnaðar úr træfibrum. Innaní eru fløskurnar klæddar við tilfari, sum ger at tær kunnu halda upp á ølina.
Tað skrivar Ritzau.
Mest lisið í farnu viku
Samband
Heygsvegur 8
490 Strendur