Evergreen setir nýtt met
Nýggju skipini hjá Evergreen fara at lasta 23.764 teu. Tað er nýtt met.
Nýggju skipini hjá Evergreen verða sostatt eitt vet størri enn Gülsün, sum MSC eigur. Gülsün lastar 23.756 teu. Eitt “teu” er støddin á einari 20-fótsbingju.
Við hesari bíleggingini hevur Samsung Heavy Industries nú fjúrtan skip uppá 23.000 teu í ordrabókini. Bíleggingin frá Evergreen hevur eitt virði uppá 920 milliónir dollarar, tað eru 6,3 milliardir krónur.
- Eftirspurningurin eftir risastóru bingjuskipunum fer væntandi at halda fram, tí altjóða reiðarí hava minkað um útreiðslurnar við “economy-of-scale,” sigur ein framsøgumaður hjá Samsung-skipasmiðjuni.
Aftrat bíleggingini hjá Samsung, bílegði Evergreen í september fýra skip í 23.000 teu-flokkinum, býtt út á kinesisku skipasmiðjurnar, Jiangnan Shipyard og Hudong-Zhonghua Shipbuilding.
Kelda: antares.fo/gCaptain
Mest lisið í farnu viku
Samband
Heygsvegur 8
490 Strendur