Í gjár setti USA revsitiltøk í verk móti fleiri turkiskum ráðharrum og ráðharrastovum, í samband við, at Turkaland er farið í hernað móti Kurdum í Norður Sýria.

Mike Pence sigur víðari, at hann ætlar sær til krígsherjaða økið skjótast til ber.

BBC skrivar í dag, at umleið 50 sivilfólk, og 100 Kurdiskir hermenn eru fallin higartil í álopunum frá Turkalandi. Og í minsta lagið 160.000 fólk eru flýdd úr økinum við markið, sambært ST. 

Fleiri hjálparfelagsskapir boða nú frá, at teir eru farnir at flyta altjóða starvsfólk síni burtur, tí tað er so vandamikið at vera í økinum.

Eftir øllum at døma er ætlanin hjá Turkum at gera eitt sonevnt “trygt øki” ella “safe zone”,  har tey fara at flyta upp í tvær milliónir Sýrisk flóttafólk, sum í løtuni eru stødd í Turkalandi. Men fá av hesum flóttafólkunum eru Kurdar. 

Kritikkarar ávara tí harðliga ímóti turkisku ætlanini, tí tað kann enda í eini etniskari útreinsan av Kurdum, skrivar BBC.