Stjórnarleiðarin í Hong Kong avbrotin
Tá sjórnarleiðarin í Hong Kong, Carrie Lam, í gjár skuldi halda árligu røðu sína í parlamentinum, varð hon brotin av fleiri ferðir av rópum og gangi frá tingfólki, sum sótu í tingsalinum.
Ein røða, sum annars skuldi snúgva seg um støðuna í Hong Kong, mátti steðgast og síðan spælast av í hátalara, meðan Carrie Lam fór úr tingsalinum.
Hetta er fyrsta høvið, sum Parlamentið hevur havt at hittast aftur - síðan nógvu mótmælisgongurnar byrjaðu í summar.
Politikarar, sum stríðast fyri meira demokratii í Hong Kong, høvdu við sær plakatir, sum ímynda Carrie Lam við blóðugum hondum. Tey høvdu eisini upptøkur av mótmælisfólkum, sum løgreglan bukar, og tey uppvarpaðu slagorð móti Carrie Lam beint á veggin aftanfyri hana.
Mótmælisfólkini krevja millum annað, at Carrie Lam fer frá sum stjórnarleiðari.
Árliga røðan var annars ein roynd hjá stjórnarleiðaranum at vinna stuðul og samhuga eftir fýra mánaðir við pro-demokrati-kravgongum, og samanstoytum millum mótmælisfólk og løgreglu.
Óhefta netsíðan, Hongkong Free Press, hevur lagt eitt sjónband út á twitter frá løtuni, tá Carrie Lam roynir at sleppa sær úr tingsalinum.
Og tað skrivar NRK.
Mest lisið í farnu viku
Samband
Heygsvegur 8
490 Strendur