Andreas Liebert spælir konsertir runt í Føroyum
Týski Andreas Liebert fer at upptraðka fleiri staðni í Føroyum komandi tíðina.
Nýggi sangurin hjá honum "Duburg" varð givin út fríggjadagin. Konsertferðin hjá Andreas Liebert byrjaði í dag og heldur fram komandi tíðina.
Andreas Liebert er týskari og tónaskald. Hann vevur saman tíð, rúm og stað, við sínum tónleiki, og hann roynir við gittara, minimalistiska elektroniskum ljóði og rødd, at lýsa tey mongu og óstøðugu stigini í lívinum. Eisini roynir hann at fanga smáu observatiónirnar á vegnum.
Tónleikur hansara sá sítt fyrsta ljós í Lübeck í 2014, tá hann gav sítt fyrsta staklag út, "Tümmler", og spældi sína fyrstu konsert. So kom gongd í, og hann gav eitt staklag út afturat árið eftir. Síðani gav hann eina EP, "Durchgelebt", út í 2016.
Hesar útgávur førdu til eina rúgvu av konsertum og konsertferðum.
Ávirkaður av Hamburger Schule, skandinaviskum gittartónleiki og Gladbacher list, gav hann eina nýggja EP út fríggjadagin. "DUBURG" inniheldur 4 sangir um ymsu skapini av kærleika, pínuna av at missa seg sjálvan, samveruna í at liva í einum samfelag og at koma víðari.
Hesar verða konsertirnar í Føroyum:
- Sunnudagin, 20. oktobur 2019 - Sandur, Listasavnið á Sandi
- Mánadagin, 21. oktobur 2019 - Vágur, Hjá Jugga
- Týsdagin, 21. oktobur 2019 - Tórshavn, Hvonn
- Mikudagin, 23. oktobur, 2019 - Runavík, Bókasavnið við Løkin
- Hósdagin, 24. oktobur 2019 - Tórshavn, TUTL Plátufelagið
Mest lisið í farnu viku
Samband
Heygsvegur 8
490 Strendur