Fríggjadagin vóru samráðingar um fiskiskap eftir kongafiski í Irmingar-havinum. Á fundinum vóru strandarlondini Føroyar, Ísland, Grønland og ES. Norra og Russland vóru eisini boðin við, men møttu ikki.

Kongafiskurin í Irmingarhavinum er illa fyri, og tí hevur ICES mælt frá at fiska kongafisk í Irmingar-havinum. Men Russland hevur noktað at taka undir við ICES, og tí hevur verið torført at fingið semju í lag.

Ásetta kvotan í 2019 er 6.000 tons, av teimum eiga Føroyar 404 tons.

ICES mælir eisini frá at veiða kongafisk í Irmingarhavinum í 2020 og 2021, men av tí at Norra og Russland ikki vóru á fundi, var heldur onki grundarlag fyri neyvari viðgerð av møguligum umsitingar-tiltøkum.

Viðgerðin fer at halda fram á fundi hjá NEAF-C, og tann fundurin verður um hálvan november.