Sjálvur meinar Trudeau, at canadiska fólkið tímir ikki neiliga rákið og sundurlindið í landinum, og her sipar hann ivaleyst til onkra av gølunum, sum hava verið kring hansara egna persón. Ein teirra hevur snúð seg um eina mynd, sum varð tikin í 2001, har Justin Trudeau hevur málað seg myrkan sum ein afro-amerikanara. Tað østi mong í Kanada.

Tá Trudeau vann valið í 2015, fekk hann reinan meiriluta - tað fekk hann ikki í gjár. Nú má forsætisráðharrin - og Liberali flokkur hansara - skipa eina minnilutastjórn.

Ein professari í politikki við Universitetið í Toronto, sigur við AP-tíðindastovuna í dag, at hann er bilsin av góða úrslitinum hjá Trudeau. 

Eingin væntaði, at Trudeau fór at vinna reinan meiriluta, men tað var tætt við, og tað er óvæntað, heldur amerikanski professarin.