Netmiðil spyr føroyingar
Norski net-miðilin, Fri-Fagbevegelse, er ein miðil, sum burturav arbeiðir við arbeiðsmarknaðarmálum og fakfelagsmálum í Norra. Í dag spyr Fri-Fakbevegelse, um kravið um norska løn er týdningarmikið fyri at verja norsk sjófólk og fyri at verja sjómansyrkið í framtíðini
Miðilin spyr nøkur sjófólk, teirra millum tveir føroyskar sjómenn við norskum frálandaskipi, hesar tríggjar spurningarnar:
1. Óttast tú fyri at verða skiftur út við bíligari arbeiðsmegi eftir útlendskum treytum?
2. Hví er tað týdningarmikið at seta krøv um norskar lønar- og arbeiðstreytir í Norra?
3. Ert tú errin av at vera sjómaður?
Millum tey spurdu eru tveir føroyingar, og teir eru Pauli Nolsøe og Bárður Nielsen. Og svarini hjá teimum báðum umboða væl svarini sum heild. Pauli Nolsøe heldur støðuna í frálandavinnuni vera somikið góða í løtuni, at hann gongur ikki dagliga og óttast fyri at vera skiftur út við bíligari arbeiðsmegi.
Bárður Nielsen hugsar hinvegin eitt sindur meira um møguleikan fyri, at hann kann verða skiftur +ut við bíligari útlendska arbeiðsmegi.
Uppá spurningin, hví tað er týdningarmikið at seta krøv um norskar lønar- og arbeiðstreytir í Norra, sigur Bárður Nielsen, at hann fyrr hevur arbeitt saman við fólki av Filipsoyggjunum og Eystur-evropearum, sum hava fingið aðre løn enn hinir. Og Bárður heldur, at øll eiga at verða lønt eftir somu skipan.
Pauli Nolsøe heldur, at tað skapar eitt betri arbeiðsumhvørvi, at øll umborð á einum skipi verða lønt eftir somu skipan.
Og uppá spurningin, um teir eru ernir av at vera sjómenn, eru teir samdir: Vit eru ernir av at vera sjómenn, og vit eru ernirav arbeiðnum, sum vit gera.
Eisini norsku sjófólkini, sum eru spurd í miðlinum, siga seg vera errin av at vera sjófólk.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur