Prisurin lækkar fyri fartelefonhald hjá Føroya Tele
Føroya Tele boðar í dag frá, at fyritøkan lækkar prísin á einstøkum fartelefonhaldum á Ver. Harumframt verða broytingar gjørdar í samansetingini av data og fartelefonhald.
- Prísurin á einstøku haldunum 6GB, 16GB og 26GB lækkar við ávikavist 50 krónum og 60 krónum um mánaðin. Samlaða mánaðargjaldið, sum húsarhaldini rinda fyri í dag, um tey hava fleiri hald knýtt saman, verður óbroytt, skrivar Føroya Tele.
Nýtt er eisini, at nú ber ikki til at keypa eitt hald uttan data longur, men verður tað knýtt at øllum haldum. Tað verður kortini gjørt uttan at prísirnir hækka.
- Bíligasta haldið, sum er 0GB í dag, verður broytt til 1GB fyri sama prís sum áður, og í næstum legst eitt størri hald afturat verandi haldum. Nýggja haldið eitur 46GB, skrivar felagið.
Broytingarnar í stuttum:
- 0GB verður broytt til 1GB fyri 157 kr. um mánaðin.
- 6GB verður bíligari og fer at kosta 197 kr. um mánaðin – áður 247 kr.
-16GB verður bíligari og fer at kosta 247 kr. um mánaðin – áður 297 kr.
- 26GB verður bíligari og fer at kosta 287 kr. um mánaðin – áður 347 kr. - 46GB er nýtt hald og fer at kosta 367 kr. um mánaðin.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur