Pál Weihe heiðraður við serligu heiðursgávu í Italia
Leygardagin varð Pál Weihe, professari, heiðraður við serligu virðisløn Collegium Ramazzinis í býnum Carpi við Bologna í Italia
Bernardino Ramazzini (1633-1714) var lækni og er kendur fyri lærubók sína ”De Morbis Artificum Diatriba”, sum er lærubók um sjúkur elvdar av arbeiðsumhvørvinum. Hann er roknaður at vera faðir til arbeiðs- og umhvørvislæknafrøðina. Eitt vísindafelag ber navn hansara, Collegium Ramazzini og limir tess eru framúrskarandi granskarar úr øllum heiminum., skrivar Granskingarráðið í tíðindaskrivi.
Á ársfundinum í ár valdi Collegium Ramazzini at heiðra Pál Weihe við eini serligari virðisløn við grundgevingini: ”Pál Weihe er lækni og aktivistur, ein nútímans fylgjari av hugsjónum Bernardino Ramazzinis. Tað er ein stórur heiður at veita honum serligu heiðursgávu Ramazzinis fyri 2019”.
Forseti felagsins Philip Landrigan, professari handaði Páli heiðursbrævið á samkomu á ráðhúsinum í Carpi, har borgarstjórin var vertur, skrivar Granskingarráðið.
Á heimasíðuni collegiumramazzini.org er kunning um vísindafelagið og yvirlit yvir heiðurslønarmóttakarar.
Mest lisið í farnu viku
Samband
Heygsvegur 8
490 Strendur