Fótbóltur aftur við Margáir í 2020.

Arbeiðið við útbyggingini av ítróttarhúsinum við Margáir gongur væl, og verður húsið væntandi liðugt uttan innan ársskiftið.

Tað er fyritøkan Sp/f Müller í Kvívík sum ger arbeiðið. Við í arbeiðnum er eisini tak yvir øll tey verandi og tey nýggju sitiplássini umframt klæðing, vindeygu og annað.

Trivnaðarnevnd mælir til, at niðara hæddin í nýggja ítróttarhúsinum verður fitness miðstøð, og verður í løtuni arbeitt við hvussu hølini skulu innrættast. Arbeiðið at gera fitness miðstøð fer í gongd fyrst í komandi ár.

Í løtuni verða eisini nýggj vallarljós sett upp. Tað er Maskinhandilin í Runavík, sum hevur leverað ljósini. 

Kommunan gleðir seg til í summar, tá dystir aftur verða spældir við Margáir í Streymnesi, nú í enn betri umstøðum.

Fleiri myndir kunnu síggjast á https://sunda.fo/news/1532/fotboltur-aftur-vid-margair-i-2020?fbclid=IwAR0KZm9CLB0CHb9LwRvAeOhZXzoMKJGEH8LmG2wT1S-Zi_aXd60QLJUnTQM 

Tað skrivar sunda.fo