Tvey ár og 10 mánaðar seinni, 07. maj í 2011, kundi kona Ejler, Beinta Jacobsen, klippa innvígingarsnórin og lata dyrnar upp til nýbygda Frítíðar- og Skeiðsdepilin Immanuel í Ejler Jacobsensgøtu 1 í Skálavík. 

Tað eru so statt 8 ár liðin síðani Frítíðar- og Skeiðsdepilin Immanuel var  tikin í brúk. Seinastu 4 árini hevur leigusáttmáli verið við Smyril Line, sum hevur rikið hotel- og restauratiónsvirksemi á depilinum undir navninum Hotel Skálavík. 

NÝHUGSAN

Tá Smyril Line hevur sagt sáttmálan upp, sum gongur út 31. mars, hevur nevndin í grunninum Immanuel, við Hjørdis Petersen á odda, gjørt sær nógvar tankar um hvat Depilin kann nýtast til á annan hátt.   

Hjørdis Háberg, sum er forkvinna í grunninum Immanuel, hevur kunngjørt í miðlunum seinastu dagarnar, at avgerð er tikin at fara undir Kristnan Eftirskúla í deplinum í Skálavík. 

Hjørdis sigur, at hetta er ein spennandi verkætlan, sum fer av bakkastokki komandi summar. Hjørdis upplýsir samtundis, at undangóðkenning frá Mentamálaráðnum fyriliggur í verandi løtu. “Mentamálaráðið hevur verið sera samstarvshugað og vegleiðandi í lógarverkinum og í øðrum praktiskum spurningum. Talan verður um ein kristnan eftirskúla, har tað verður lagdur dentur á ta kristnu heimsáskoðanina,” sigur Hjørdis.

Hjørdis sigur við sosialin, at eftirskúlin ikki er ein samkoma, og kemur ikki at umboða nakra ávísa samkomu, men talan er um eldsálir úr ymiskum samkomum, sum brenna fyri sakini. 

Hetta er á fyrsta sinni, at ein slíkur eftirskúli verður settur á stovn í Føroyum. Fyrsta royndin verður við 10 flokki, og fyrstu næmingarnir byrja í august í 2020. Heimasíðan verður liðug 01. desember, har møguleiki verður at melda seg til skúlan.

Kristiliga Tíðindatænastan
v/poul jóhan djurhuus
gjaranes@gmail.com