Veðurlagsbroytingarnar eru "týðiligar og ikki til at misskilja" - neyðstøða sambært vísindafólkum
Eitt altjóða toymi við umleið 11.000 vísindafólkum taka undir við eini kanning, sum vísir á, at umhvørvið hevur eina neyðstøðu í væntu.
Vísindaliga granskingin, sum er grundað á tilfar savnað saman ígjøgnum 40 ár, hevur nógvar ymiskar mátingar. Við hesari kanningini vísa vísindafólkini á, at stjórnir um allan heim ikki taka ábyrgd og gera alt ov lítið við kreppuna.
Um tað ikki verða gjørdar umfatandi og haldbarar broytingar, hevur heimurin eina "ósigandi menniskjaliga líðing" í væntu, sambært víðfevndu kanningini.
Granskararnir vilja vera við, at teir hava eina moralska skyldu, at ávara heimin um, hvussu ógvuslig hóttanin er.
Oktober mánaður í ár, var tann heitasti, sum nakrantíð er mátaður. Men, tað siga granskararnir, ikki er nóg góð grundgeving fyri at siga, hvussu stórar hóttanirnar í ovurhitaða heiminum eru fyri framman.
Tí hava høvundarnir lagt nógvar ymsar upplýsingar saman við kanningini, sum eru savnaðar saman ígjøgnum 40 ár.
Hesi mátini vísa millum annað á, hvussu nógv fleiri menniskju og djór eru til í heiminum, hvussu nógv kjøt verður framleitt í mun til fólkatal, hvussu nógv færri trø eru í heiminum nú í mun til fyrr, og hvussu nógv lívrunnið brennievni verður brúkt.
Kelda: BBC.
Mest lisið í farnu viku
Samband
Heygsvegur 8
490 Strendur