Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Bellamy Brothers og Heather Myles á Countryfestivalin 2020

Tíðindaskriv | 08/11-2019 12:00

Tað er nú greitt hvørji koma at vitja komandi Sørvágs Country & Blues Festival komandi ár sum høvuðsnøvn.

Festivalurin, sum verður hildin á níggjunda sinni í døgunum 11. til 13. juni 2020, fær tvey stór amerikansk nøvn á plakatina til tey bæði høvuðskvøldini. Tey eru Heather Myles og The Bellamy Brothers.

Brøðurnir Howard og David Bellamy fara at trína stóra pallin á Dungasandi leygarkvøldið 13. juni 2020 saman við dugnaliga orkestri teirra. The Bellamy Brothers eru kendir í Føroyum – vitjaðu fyrstu ferð her í 1997 tá teir spældu fyri fullsettari ítróttarhøll áHálsi í Havn. Síðan hava teir vitjað tríggjar ferðir, men hvørja ferð hava teir spælt til dansitiltøk.

Tí síggja teir fram til at hitta føroysku fjepparar sínar til eitt veruligt konserttiltak, sum verður øðrvísi, enn tá spælt verður upp til dans.

The Bellamy Brothers komu fram miðskeiðis í 1970’unum. Gjøgnumbrotið var sangurin ’Let Your Love Flow’ sum herjaði popptindarnar í 1976. Seinni gjørdist tónleikur teirra meira countrykendur, og teir hava havt eitt ótal av hittum, serliga í sjeyti- og áttati árunum.

Nevnast kunnu ’If I Said You Had a Beautiful Body (Would You Hold it Against Me)’, ’Lovers Live Longer’, ’I Need More of You’ og ’Old Hippie’.

Og so skal ikki gloymast stóra Bellamy-hittið í Føroyum, ”Send Me a Letter Amanda”, sum Jákup Zachariassen skrivaði til Hall Joensen og Bellamy brøðurnar.

Í yvir fýrati ár hava teir báðir, 69 ára gamli David og 73 ára gamli Howard, ferðast kring allan heimin við teirra glaða og dansivinarliga countrytónleiki. Brøðurnir koma upprunaliga frá Florida, har teir framvegis búgva og reka ein stóran bóndagarð.

Tað at teir koma frá Florida ger eisini, at countrytónleikur teirra í stóran mun er ávirkaður av rútmunum frá oyggjunum í Karibia.

Heather Myles

Hitt høvuðsnavnið á countryfestivalinum í Sørvági er 57 ára gamla Heather Myles frá Riverside í Kalifornia, ikki so langt frá Bakersfield, sum er kendur fyri serliga rokkuta countrystílin, sum Buck Owens og Merle Haggard og seinni Dwight Yoakam løgdu lunnar undir.

Hon gjørdi serliga um seg í nítiárunum, tá hon gav fleiri vælumtóktar honky-tonk fløgur út við egnum tónleiki. Hon megnaði enntá at fáa bæði Merle Haggard og Dwight Yoakam at syngja við sær á onkrum av fløgunum.

Sørvágs Country & Bluesfestivalur fer komandi tíðina av kunngera fleiri av hinum nøvnunum, sum verða við á festivalinum komandi summar.

Atgongumerkjasølan til festivalin fer fram á www.country.fo har tað eisini er vegleiðing fyri hvussu ein bíleggur kampingpláss. Royndirnar frá undanfarnum árum siga, at gravgangur er eftir at fáa plass til kamping- ella húsvogn meðan festivalurin fer fram í Sørvági.


Lagt út: Randi Jacobsen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Leiðreglur fyri ferðandi broyttar
RAVI ZACHARIAS - saknaður av føroyingum
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
JUVÉL 2 - nýggj leiðsla!
Hvagar eru vit á veg?
Úr bandasavni­num: Samrøða við Dávur Jacobsen 2. partur
Djórini skulu hava tað gott
Jens Andreassen settur sum yvirlækni á Lands­sjúkra­húsinum
Arbeiðsvanlukka kravt eitt mannalív
Brasilski forsetin noktar at taka ábyrgd
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Ísurin á Norð­póli­num tiðnar skjótari enn væntað
Lands­stýris­maðu­rin sett nýtt Fólka­heilsuráð
BÍBLIU- OG TÓNLEIKATÚRUR - ein annarleiðis ferð
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi