Ævisøga um Njál Mackay Djurhuus - frá tí høga millum tað høga, til tað lægsta millum tað lægsta.
Fyri fimm árum síðani skrivaði Njál Djurhuus bók í tveimum bindum um arbeiði hjá Frelsunarherinum í Føroyum, men nú er bók ávegis um arbeiði hjá Njál innan Frelsunarherin.
Fyri tveimum árum síðani fór Óli Jacobsen undir at skriva bók um Njál Mackay Djurhuus, sum hevur verið offiserur í Frelsunarherinum í Norra í mong ár. Óli fer víða í bókini, har hann á ein forvitnisligan hátt lýsir barna-og ungdómsárini hjá Njál úti á Reyni, og hvussu hann á ein sjáldsaman hátt varð leiddur og kallaður í tænastuna innan Frelsunarherin. Í bókini fylgir lesarin einum manni, hvørs spennið lá frá tí høga millum tað høga til tað lægsta millum tað lægsta.
Sigast má, at bókin er ikki um ein vanligan mann, men ein spennandi bók um ein spennndi mann í einum óvanliga spennandi yrki, har hann hevur upplivað óvanligan heiður og viðurkenning. Óli Jacobsen lýsir við sínum góða penni lívsleiðina hjá Reynadronginum, sum í sínum barnaárum bardist við spurningin: ”Hvør er pápi mín?”
Bókin er farin til prentingar, og framløga av bókini verður fríggjadagin 8. november í hølunum hjá Frelsunarherinum í Havn. Seinni verður almenn framløga í hølunum hjá frelsunarherinum í Vági. Bókin er 215 síður við nógvum vøkrum og sigandi myndum – hesar tríggjar viðmældu bøkur eru vælkomnar at liggja undir jólatrænum jólaaftan!
Kristiliga Tíðindatænastan
v/poul jóhan djurhuus
gjaranes@gmail.com
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur