Víðgongdur høgraflokkur í Spania tvífaldaðist
Við valið í Spania endurvann sosialdemokratiski flokkurin, PSOE, flestu sessirnar. Flokkurin fekk 120 tinglimir av 350, bara tríggjar færri enn seinast, men ov lítið at fáa greiðan meiriluta.
Konservativi Høgraflokkurin gjørdist nummar 2 við 88 sessum í tinginum, tað eru 22 sessir meira enn á valinum seinast.
Víðgongdi høgraflokkurin, Vox, hevði størstu framgongdina, og gjørdist triðstørsti flokkurin í spanska tinginum. Flokkurin fekk 52 sessir á valinum í gjár. Á seinasta valinum fekk Vox 24 sessir. Úrslitið í gjár merkir, sambært sponskum miðlum, at víðgongdi høgraflokkurin ikki longur bara er ein flokkur, sum tinglimir kunnu látast ikki at vera til.
DR skrivar, at tað er stutt síðani, at formaðurin í Vox ferðaðist kring landið, og helt røður á einum ølkassa. Í dag hevur flokkurin fingið veruligt val, skrivar DR.
Mest lisið í farnu viku
Samband
Heygsvegur 8
490 Strendur