Skuldsetir toppar fyri at undirgrava Donald Trump
Fyrrverandi ST-sendikvinnan hjá USA, Nikki Haley, heldur uppá, at fyrrverand toppar í amerikansku stjórnini royndu at taka valdið frá amerikanska forsetanum, Donald Trump. Tað skriva fleiri miðlar, millum annað BBC.
Talan er um fyrrverandi uttanríkisráðharran, Rex Tillerson, og fyrrverandi stápsstjóran í Hvítu Húsunum, John Kelly.
Tað er í nýggju bók hennara, at uppáhaldini um undirgravandi virksemi móti amerikanska forsetanum koma fram.
“John Kelly og Rex Tillerson søgdu við meg, at tá ið teir arbeiddu ímóti forsetanum, vóru teir ikki óreiðiligir, men royndu at bjarga landinum, skrivar hon í bókini sambært NRK.
Nikki Haley skrivar eisini, at teir báðir, Kelly og Tillerson, vildu vera við, at forsetin hevði ikki ánilsi av, hvat hann fekst við, og at teirra avgerðir - og ikki avgerðirnar hjá forsetanum, vóru tær bestu.
Í 2018 varð uttanríkisráðharrin, Rex Tillerson, koyrdur frá, og eitt sindur seinni var stápsleiðarin í Hvítu Húsunum, John Kelly, trýstur úr starvinum, skrivar BBC.
Mest lisið í farnu viku
Samband
Heygsvegur 8
490 Strendur