Tað var mest sum av óvart, at havfrøðingarnir, Tina Kutti og Vivan Husa, funnu korallrivið. Tað vóru ring veðurlíkindi at gera kanningar, sum tær annars høvdu sett sær fyri at gera. Tær sleptu tí upptøku-útgerðini niður á havbotnin, mest sum fyri at stytta sær stundir. Tó so, so hava granskarar leingi hildið, at eitt korallriv møguliga kundi vera onkrastaðni har á leiðini, men ongin er komin fram á nakað, hóast fleiri hava leitað. 

At finna eitt so stórt, livandi og intakt korallriv, er ótrúliga flott. Tað eru fá av slíkum heyggjarivum, og tað er týdningarmikið at ansa væl eftir teimum, sigur Vivian Husa við NRK.
Vit funnu tað næstan av óvart. Tá tú filmar niðri á 150 metra dýpd, sært tú bara 2-3 metrar fram. Hesuferð sleptu vit bara upptøkutólinum niður til stuttleika - og áðrenn vit vistu av, lá korallrivið beint har.

Nýfunnað korallrivið verður kallað “Bukkarevet”, og liggur uttast í Hardangerfjørðinum, í einum øki, sum longu er friðað.

Tað skrivar NRK.