Nýggjur skottilburður í Malmø
Ein persónur er løstaður. Tilburðurin verður í løtuni handfarin sum morðroynd.
Nakað yvir kl. 18.00, svenska tíð, varð løgreglan í Malmø boðsend á eina adressu í Eriksfält, tí fólk hoyrdu skot. Kl. 19.00 varð ein persónur raktur av skotum, og sjúkrabilur varð sendur á staðið.
Ein bilur við skotholum er funnin á staðnum, og løgreglan hevur avbyrgt økið.
Vitni, sum vóru á eini nærhendis matstovu, verða avhoyrd í løtuni.
Sambært løgregluni er brotsmaðurin sloppin av staðnum í einum persónbili. Enn er ongin handtikin, og tilburðurin verður sum nú er handfarin sum morðroynd.
Ein annar skottilburður var leygarkvøldið
Leygarkvøldið umleið kl. 21.00 varð ein 15 ára gamal tannáringur skotin við Möllevångtorget í Malmø, og doyði av løstunum. Möllevångtorget er eitt øki við nógvum barrum og matstovum, og helst leygarkvøld eru nógv fólk savnaði á torginum.
Tann 15-ára gamli var ein av tveimum tannáringum, sum vórðu raktir, tá onkur skeyt eftir einum pizza-staði í Ystadsgøtuni, áðrenn tey flýddu av staðnum á súkklum.
- Skottilburðurin hendi á einum sera almennum staði, so vit eru í ferð við at savna frágreiðingar frá vitnum og tosa við tey, sum hava sæð ymiskt í samband við tað. Tað sigur Katarina Rusin, talsfólk hjá løgregluni í Malmør, við tíðindablaðið Sydsvenskan leygarkvøldið.
Mest lisið í farnu viku
Samband
Heygsvegur 8
490 Strendur